10th Class پنجابی Chapter 3 Testنثر نمبر 9: ساڈا وسیب ۔۔ ساڈا ورثہ

Q3. تفصیلی سوالات (Attempt any 2 of 3 · 2 × 4 = 8)

1. پنجاب دے وسنیک کماں کاراں توں ویہلے ہو کے تفریح نال اپنا تھکیواں لاہندے نیں۔بعض لوکاں نے ایس لئی تماشے وکھان دا پیشہ اختیار کر لیا اے کیوں جے ایہناں لوک تماشیاں نال اوہناں دی روزی جڑی ہوئی اے۔ جویں باندر دا تماشہ، رچھ والا، پتلیاں دا تماشہ،بازی گری ایہہ لوک مجمع لا کے لوکاں نوں کٹھیاں کر کے اپنے کرتب دکھاندے نیں تے اپنی محبت دا پھل پاؤندے نیں۔

2. ساڈے لوک گیت تے رسماں بچے دے جمن توں شروعہو جاندیاں نیں اوہناں وچ بچے دی لمی حیاتی لئی دعاواں تے آؤن والیاں گھڑیاں لئی نیک خواہشات شامل ہوندیاں نیں۔ ساڈے ایتھے جد وں کوئی بال جمدا اے تے سب توں پہلاں اوہدے کن وچ اذان دتی جاندی اے فیر اوہدے مونہہ نال گڑ ،شہد یا کوئی ہور مٹھی شے لائی جاندی اے۔ اوہدے لئی دعا کیتی جاندی اے ایس رسم نوں گڑھتی کیہا جاندا اے۔

3. پنجاب وچ سب توں اہم پیشہ واہی بیجی اے۔ پنڈ اں تھانواں دے لوک واہی بیجی نوں سب توں اُچا سمجھدے نیں۔ساڈے کسان تے واہی وان دل لا کے کم کردے نیں۔زمین دا سینہ چیر کے اوہدے وچوں اناج پیدا کردے نیں۔ اللہ دے فضل نال بوہت اناج پیدا کردے نیں خود وی کھاندے نیں تے وادھو اناج منڈیاں وچ اپڑا دیندے نیں۔جیہڑا دوجے لوکاں دے کم آؤندا اے۔واہی بیجی وچ مرد دے نال عورت وی اوہناں دا ہتھ ونڈاندیاں نیں۔ مردکھیتاں وچ کم کردے نیں تے اوہ اوہناں دی روٹی لے کے جاندیاں نیں۔