1st Year پنجابی 1st Quarter Book Paper

Q3. تفصیلی سوالات (Attempt any 3 of 4 · 3 × 4 = 12)

1. پیدل چلن تے سامان چکن وچ اوہنوں پرواہ  نہیں سی، جے راہ وچ لٹیاں جان داڈرانہ ہوندا۔ اوینوں دسیا گیا سی پئی کہ ایس علاقے وچوں چوریاں تے ڈاکے عام سن تے پاندھیاں (راہیاں) نوں لٹ لینا نت دی گل سی راہیاں بساں تے سواریاں دے لٹیا جان دیاں خبراں او اخبار وچ پڑھدار رہنداسی اوہدی سمجھ وچ کجھ نہیں آریا پئی او کیہہ کرے۔ اوہنے اٹیچی کیس سڑک سے اک پاسے رکھ دتا تے میل برجی نال ڈھولا کے ٹرانسسٹر توں خبراں سنن لگ پیا۔

2. اوس سمے ہندوستان دا دارلحکومت کلکتہ سی ،جدوں کہ دلی ،آگرہ تے اودھ ،آزادی دی جنگ لڑن والیاں دے وڈے مرکز سن۔ ایس لئی کلکتے دا پورے ملک نال رابط ٹٹ گیا۔ پنجاب تے سرحد وچ رہن والے انگریزاں دا کلکتے تے لندن نال رابطہ صرف کراچی دے ذریعے رہ گیا۔ انگریزاں دی کوشش سی کہ پنجاب تے سندھ وچ امن رہوے۔ تاں جے جرنیلی سڑک رسدتے فوجاں دے آن جان لئی کھلی رہوے۔

3. اوس ویہلے تے خیر اے گل سمجھ نہیں آئی پر جدوں دوجی وڈی جنگ دارولا گولامکاتے اودوں ایہہ پڑھن سنن وچ آیا کہ انگریزاں دے جنگ جتن وچ لندن دے ٹیوب ٹیشناں داوی چنگا بھلا ہتھ اے۔ ایہہ تے ایویں اچکار گل آگئی اے۔ کہن دا مطلب ایہہ سی پئی جدوں پچھلے ورہے اللہ نے لندن داسر بندھ بنایا تے ٹیوب ٹیشن ویکھن دی سدھراں نویں  سریوں من وچ جاگ پئی۔ میرا جی  ہر ویلے ٹیوب ویکھن تے اوہدے راہیں سپر سپاٹے لئی اُڈدار رہنداسی،ایس لئی جدوں میں پہلی واری ٹیوب ٹیشن ویکھی تے حیران رہ گیا۔ واقعی اک نواں عجوبہ سی۔

4. شاہ عبدالطیف بھٹائیؒ نے مڈھلی تعلیم تے تربیت اپنے والدکولوں حاصل کیتی ۔ اوہناں دی محنت داای پھل سی پئی شاہ ہوراں دے من وچ  اللہ تعالی دے عشق دابوٹا بڑی چھیتی پنگڑ پیا تے ویکھدیاں ویکھدیاں  ای سنگھنے رکھ داروپ دھارگیا۔شاہ عبدالطیف بھٹائیؒ نوں سفر دا بہت شوق سی۔ آپ جوانی وچ اپنے گھروں نکلے تے سندھ دی اک نکر توں لے کے دوجی نکر تیک سفر کرکے اک لمیرے عرصے مگروں اپنے پنڈ پرتے۔