2nd Year پنجابی Chapter 4 Testنثر نمبر 4: پچھلی پڑھائی

Q3. تفصیلی سوالات (Attempt any 2 of 3 · 2 × 4 = 8)

1. عیش کرنےآں ماسٹر جی۔۔۔اچھا میں چلنا آں کسے نوں ٹیم دتا ہویا اے۔رفیق گُٹ تے لگی ہوئی ڈیجیٹل گھڑی تکدا ٹر پیا۔ اوہ ٹر گیا تے ماسٹر جی اوس گھڑی دا خیال آیا جس دالارا راجو سال بھر توں لا رہی سی۔ پوری ٹیوشن فیس نہیں سی دیندی۔ اج وی شام ماسٹر جی دا دل انھے خالی کھوہ وچ ڈگ پیا۔ خالی کھوہ وچوں اک گونج سنائی دیندی سی"کیہ ہویا ،ایہہ سبھ کیہ اے"

2. ماسٹر جی دے کئی شاگرد جوان ہو کے نویں نویں کاروباراں وچ رُجھ گئے بعضے تاں اوہناں کولوں انج لنگھ جاندے جویں جان دے ای نہیں پر ماسٹر جی نوں اپنے اوہناں شاگرداں تے بڑا مان سی جیہڑے کار وچ بیٹھے شوں کر کے کولوں دی لنگھ جاندے ،ماسٹر جی اپنے دل وچ آکھدے :"کیہ ہویا جے اوہ مینوں سیاندے نہیں، ہین تے میرے شاگرد"۔

3. اوہناں دوروپے مہینہ لے کے وی پڑھایا تے بڑا چر پنج(5) روپے لیندے رہن، ہن ویہہ(20) روپے ماہوار فی بچہ لیندے سن۔ماشااللہ ترقی تے بتھیری کیتی پر ڈیرہ جھتے سی او تھے ای رہیا۔ کوٹھڑی اوہوارہی جس دے وچ اک منجی ڈاہ کے تھوڑی جئی تھاں بچدی سی جھتے مینہ پانی دے دناں وچ انگیٹھی رکھ کے روٹی ہانڈی کرلیندے سن۔لنڈے مستری داپت عنایت ماسٹر جی نوں کدے نہیں بھل سکدا، کڑاکے دی ٹھنڈ عنایت دے ہتھ پیر پھٹے ہوئے، تلی چوندی کلا کرتا پجامہ پیروں ننگا ہرہر کرداترکالاں ویلے ماسٹر جی دی انگیھیٹی کول ہتھ پسپار کے بہہ جاندا، اک دن ماسٹر جی نے پچھیا۔