2nd Year پنجابی 1st Quarter Book Paper

Q3. تفصیلی سوالات (Attempt any 3 of 4 · 3 × 4 = 12)

1. بنیادی طور تے تنقید دے دوپہلو بن دے نیں۔ اک نظری، جیہدے وچ تنقیدی اصولاں تے بحث کیتی گئی ہوندی اے تے دوجی اطلاقی تنقید، جیہدے وچ اک نقاد کسے اک خاص نظرئیے دی بجائے متوازن انداز وچ ساریاں اصولاں توں کم لیندااے تے کسے فن پارے داجائزہ لیندیاں ہویاں نفسیاتی،سماجی ،معاشی،عمرانی تے تاریخی پچھوکڑ توں علاوہ وی کئی آسان پہلوآں نوں ساہمنے رکھداادے۔

2. ایہہ گل منی ہوئی اے کہ جدوں وی کسے معاشرے وچ اخلاقی قدراں دا زوال ہوندا اے تے بزرگان دا دھیان دین دیاں قدراں قائم کرن وال ہو جاندا اے۔ ایہہ لوگ دین نوں عملی صورت وچ لوکائی اگے رکھدے نیں۔سوکھیاں تے سدھیاں لفظاں وچ ایسے عملی صورت نوں کہیا جاندا اے۔تصوف بارے کچھ لوک ایہہ وی آکھدے نیں کہ ایہہ حیاتی دے دکھاں کولوں نسن دی اک راہ اے۔

3. دہلیز اُتے بیٹھی شبانہ نے بے دھیانی وچ اپنے متھے تے لگے پھٹ دے نشان نوں ہتھ لایا تے زخم جویں اک دم جاگ پیا ہووے۔اوہ سکولوں پڑھا کے آئی سی۔ بوہے تیکر آن دا کسے نوں پتا وی نہ لگا۔ انور زخمی لفظاں نال کجھ کہہ رہیا سی تے کمرے دیاں شیواں نوں ایدھر اُدھر سٹ رہیا سی۔اوہدا وجود وی اوہدے لفظاں طراں بے لہو لگدا سی۔ بے یقیناً ڈانواں ڈول۔

4. حبہ خاتون دا اصل ناں زون سی۔زون کشمیری زبان وچ چن نوآکھیا جاندااے کہ اللہ تعالی نے اوہنوں حسن تے جمال وافرمقدار وچ بخشیا سی۔ زون (حبہ خاتون) نے مڈھلی تعلیم تے قرآن پاک اپنے پنڈ دے مولوی صاحب کولوں پڑھیا۔ ایس توں وکھ فارسی دیاں مشہور کتاباں گلستان تے بوستان نوں وی بچپن وچ پڑھیا۔ایس دے نال نال روزمرہ دے کماں کاراں وچ اپنی والدہ دا ہتھ ونڈاندی سی تے زعفران دے کھیتاں وچ کم کردی سی۔ حبہ خاتون نکیاں ہوندیاں توں ای بڑی حساس طبیعت دی مالک سی۔