9th Class پنجابی Chapter 5 Testباب نمبر 5: حضرت نوشہ گنج بخش

Q3. تفصیلی سوالات (Attempt any 2 of 3 · 2 × 4 = 8)

1. حضرت نوشہ گنج بخش دے ایس علمی تے روحانی مرکز وچ دور دراز توں آ کے لوک فیض حاصل کردے سن، نہ صرف ہندوستان سگوں کابل،قندھار تے کشمیر دے علاقیاں وچ وی اوہناں دے مرید تے خلیفے موجود سن اوہ دن رات اللہ تے اللہ دے رسولﷺ دا پیغام گھر گھر اپڑاندےسن، جتھے ضرورت ہوندی اوتھے ایہہ نوشاہی درویش واعظ نصیحت توں کم لیندےتے جتھے لوڑ محسوس کردے باطن دی نظر نال لوکاں دے دل دی کیفیت بدل کے رکھ دیندے۔

2. لوکاں لئی اوہناں دی تعلیم دا خلاصہ انج اے۔ اللہ نوں اک منو  اوہدے توںسوا کسے ہور دی عبادت نہ کرو۔ اللہ تعالیٰ دے رسول ﷺ دی اطاعت کرو۔ یتیماں تے مسکیناں نال دلوں پیا ر کرو۔ دو جیاں دی خدمت تے مدد بناں لالچ کرو۔ وعدے دی پا بندی کرو ۔استاداں تے بزرگاں دی  عزت کرو تے لڑائی جھگڑے توں دور رہوو۔صفائی دا خاص خیال رکھو۔ وقت دی قدر کرو۔

3. حضرت نوشہ گنج بخش عالماں ،درویشاں تے وڈی عمر دے لوکاں دا پورا پورا احترام کردے سن۔ نکیاں نال خاص شفقت کردے۔ اوہ فرماندے سن جیہڑا بندہ اپنے اُستاداں دا صحیح احترام کرے گا۔ اوہو کامیابی نال منزل اُتے اپڑے گا۔ اوہناں دے نکے پتر ہاشم دریا دل دے اُستاد مولانا عبد الحکیم سیالکوٹی نے آپ دے روحانی مرتبے دی شہرت سنی تے ملن دی خواہش کیتی۔ اوہناں اپنے بیٹے دے ناں خط لکھیا کہ مولانا کیوں جے تیرے اُستاد نیں ایس لئی میرا فرض اے کہ پہلے میں خود چل کے اہوناں کول ہو آواں۔