9th Class پنجابی Full Book Paper

Q3. تفصیلی سوالات (Attempt any 4 of 6 · 4 × 9 = 36)

1. حضرت نوشہ گنج بخش دے ایس علمی تے روحانی مرکز وچ دور دراز توں آ کے لوک فیض حاصل کردے سن، نہ صرف ہندوستان سگوں کابل،قندھار تے کشمیر دے علاقیاں وچ وی اوہناں دے مرید تے خلیفے موجود سن اوہ دن رات اللہ تے اللہ دے رسولﷺ دا پیغام گھر گھر اپڑاندےسن، جتھے ضرورت ہوندی اوتھے ایہہ نوشاہی درویش واعظ نصیحت توں کم لیندےتے جتھے لوڑ محسوس کردے باطن دی نظر نال لوکاں دے دل دی کیفیت بدل کے رکھ دیندے۔

2. بڑے سُکھ دا گیڑ ہے آؤن والا

   دِلوں دور دُکھاں دا گھیرا رہوے گا

3. 1946ء دی گل اے جو علی گڑھ وچ ہک جلسہ تھیا۔ جیندی صدارت ہک نوجوان طالب علم محمد نعمان ایم اے کیتی۔ ڈوجھے مقرراں دے بعد جڈاں قائد اعظم تقریر کرن کھڑے تھئے تاں جلسے دے صدر انھاں کوں تقریر کرن توں ڈک گھدا۔ آپ فوراً بہہ تھئے تے جئیں ویلھے ول سڈیا گیا تاں تقریر کیتو نے۔ جلسہ مکن دے بعد قائد اعظم ایں بارے پچھیا تاں اوں ڈسایا "جو ایہہ لوکیں تے رعب سٹن سانگے کیتا سی"۔

4. پیر پیغمبر تیرے باہنے

   توں مالک توں کُل مختار

5. اوس سمے کشمیر دی آزادی دی تحریک بڑے زوراں تے سی۔ مقبوضہ کشمیر توں ظالماں دے ہتھوں ستائے ہوئے قافلے مظفر آباد آ کے پناہ لے رہے سن۔ ایہناں وچوں کجھ لوکاں نے اوہناں دے گھر وی کجھ دناں لئی پناہ لئی۔ اک دن اوہدی ماں نال اوہناں دیاں گلاں سن کے اوہ حیران رہ گیا۔ کیوں جے ماں نے اج تیکر جیہڑی تصویر اوہد ے کولوں لکوئی ہوئی سی تے کوئی دن ایسا نہیں سی لنگھیا جد اوس ہنجواں دے ہار اوس تصویر تے نا پائے ہون ،اوہدے شہید پیو دی سی۔ جیہنے اپنی دھرتی ماں دی آزادی لئی جان قربان کر دتی سی۔اوہ اوس بہادر علی شیر خان شہید دا پتر سی۔

6. آخر پَچھوتاسیں کُڑئیے، اُٹھ ہُن ڈَھول مَنالَے نی