9th Class پنجابی 1st Quarter Book Paper

Q3. تفصیلی سوالات (Attempt any 3 of 4 · 3 × 4 = 12)

1. اوس سمے کشمیر دی آزادی دی تحریک بڑے زوراں تے سی۔ مقبوضہ کشمیر توں ظالماں دے ہتھوں ستائے ہوئے قافلے مظفر آباد آ کے پناہ لے رہے سن۔ ایہناں وچوں کجھ لوکاں نے اوہناں دے گھر وی کجھ دناں لئی پناہ لئی۔ اک دن اوہدی ماں نال اوہناں دیاں گلاں سن کے اوہ حیران رہ گیا۔ کیوں جے ماں نے اج تیکر جیہڑی تصویر اوہد ے کولوں لکوئی ہوئی سی تے کوئی دن ایسا نہیں سی لنگھیا جد اوس ہنجواں دے ہار اوس تصویر تے نا پائے ہون ،اوہدے شہید پیو دی سی۔ جیہنے اپنی دھرتی ماں دی آزادی لئی جان قربان کر دتی سی۔اوہ اوس بہادر علی شیر خان شہید دا پتر سی۔

2. "کجھ لوکاں نے زید بن حارثہؓ دی سالاری بارے وی شکایت کیتی سی۔اللہ دی سونہہ!اُسامہؓ امامت تے سالاری دے مستحق نیں۔تے اوہ تہاڈے نیکاں وچ گنے جاندے نیں"۔ اے خطبہ ارشاد فرما کے آپﷺ اپنے گھر تشریف لے گئے۔ انج آپﷺ ہوراں اسلامی مساوات ،عدل،انصاف تے حقداری دے ستھرے نمونے پیش فرمائے۔

3. اوہدا شہری بابو تے کوئی نہ آیا پر اک دن اچن چیت اوہدا خط ماپیاں ول آ گیا ۔ماپیاں نو ں خط ویکھ کے چا چڑھ گیا۔ صادق دی ماں خط سنن لئی بے چین سی پر جدوں صادق دے پیو نے خط پڑھیا تے اوہدی بے وسی جیہی چیک نکل گئی۔ اوس آکھیا"صادق دی ماں خط وچ لکھیا اے پئی تیرے پڑھے لکھے پتر نے ہن کدی وی ساڈے متھے نئی لگنا"۔ایناں آکھ کے اوہ سرسٹھی ویہڑیوں باہر چلا گیا تے صادق دی ماں دل پھڑ کے بہہ گئی۔

4. حضرت نوشہ گنج بخش دے ایس علمی تے روحانی مرکز وچ دور دراز توں آ کے لوک فیض حاصل کردے سن، نہ صرف ہندوستان سگوں کابل،قندھار تے کشمیر دے علاقیاں وچ وی اوہناں دے مرید تے خلیفے موجود سن اوہ دن رات اللہ تے اللہ دے رسولﷺ دا پیغام گھر گھر اپڑاندےسن، جتھے ضرورت ہوندی اوتھے ایہہ نوشاہی درویش واعظ نصیحت توں کم لیندےتے جتھے لوڑ محسوس کردے باطن دی نظر نال لوکاں دے دل دی کیفیت بدل کے رکھ دیندے۔