1st Year پنجابی Chapter 6 Testنثر نمبر 6: شاہ عبدالطیف بھٹائی

Q3. تفصیلی سوالات (Attempt any 2 of 3 · 2 × 4 = 8)

1. شاہ عبدالطیف بھٹائیؒ نے مڈھلی تعلیم تے تربیت اپنے والدکولوں حاصل کیتی ۔ اوہناں دی محنت داای پھل سی پئی شاہ ہوراں دے من وچ  اللہ تعالی دے عشق دابوٹا بڑی چھیتی پنگڑ پیا تے ویکھدیاں ویکھدیاں  ای سنگھنے رکھ داروپ دھارگیا۔شاہ عبدالطیف بھٹائیؒ نوں سفر دا بہت شوق سی۔ آپ جوانی وچ اپنے گھروں نکلے تے سندھ دی اک نکر توں لے کے دوجی نکر تیک سفر کرکے اک لمیرے عرصے مگروں اپنے پنڈ پرتے۔

2. کجھ لکھاریاں نے دس پائی اے پئی آپ سفر کردے ہوئے کابل تے قندھار تیک وہ گئے پر ادب دیاں تاریخاں وچ ایسی گل داکوئی پکا ثبوت نہیں ملدا۔ آپ نے وطن پرت کے ہالا دے نیڑے کرار حالادے ساحل دے اک ٹیلے اتے وسوں اختیار کرلئی۔ سندھی زبان وچ ٹیلے نوں بت آکھدے نیں۔ آپ سی نسبت پاروں  او ٹیلا  بھٹ شاہ دے نال نال مشہور ہوگیا۔ حالے آپ بھٹ شاہ دے تعمیری کماں توں ویہلے نہیں ہوئے سن کہ آپ دے والد اللہ نو ں پیارےہو گئے۔

3. آپ دے کلام داترجمہ دنیادیاں مختلف زباناں وچ ہوچکیا اے۔ آپ نے دوجے صوفی شاعراں  وانگر دنیاوے فانی تے عارضی ہون دا کئی تھانواں تے ذکر فرمایا اے تے دسیا اے کہ پئی انسان دی حیاتی دی بے ثبات اے تے صرف اللہ دی ذات ازلی تے ابدی اے ایس لئی آپ انسان نوں دنیا دیاں رنگینیاں توں مونہہ موڑ کے موت توں بعد سدادی حیاتی وچ کامیابی حاصل کرن لئی آخرت دی فکر ول پریردے نیں۔