1st Year پنجابی Chapter 7 Testنثر نمبر 7: کھوپڑیاں تے آہلنے

Q3. تفصیلی سوالات (Attempt any 2 of 3 · 2 × 4 = 8)

1. پیدل چلن تے سامان چکن وچ اوہنوں پرواہ  نہیں سی، جے راہ وچ لٹیاں جان داڈرانہ ہوندا۔ اوینوں دسیا گیا سی پئی کہ ایس علاقے وچوں چوریاں تے ڈاکے عام سن تے پاندھیاں (راہیاں) نوں لٹ لینا نت دی گل سی راہیاں بساں تے سواریاں دے لٹیا جان دیاں خبراں او اخبار وچ پڑھدار رہنداسی اوہدی سمجھ وچ کجھ نہیں آریا پئی او کیہہ کرے۔ اوہنے اٹیچی کیس سڑک سے اک پاسے رکھ دتا تے میل برجی نال ڈھولا کے ٹرانسسٹر توں خبراں سنن لگ پیا۔

2. نومی اوہناں واسطے روٹیا لیا رہی ہووے گی۔ حمید سکول دا کم کر رہیاہووے گا۔ فیر اوہنوں اوہ یاد آ گئی۔ آکھن لگی:" میں تیرے نال نال آں۔" اوہنے آکھیا: "جا پرت جا۔ میرا پینڈا کھوٹا نہ کر۔ تینوں نہیں پتا، میں اندروں اجے کچاپلا آں۔ مینوں اجے ہوراگ دی لوڑ اے تے توں کیوں آ گئی ایں۔ پرت کیوں نہیں جاندی "فیر اوہنوں ہوٹل تے بیٹھے یار بیلی یاد آئے۔

3. سڑک دودوہاں پاسے اچے اچے شاں شاں کردے رکھ، بندیاں دیاں کھوپڑیاں ہار کنبدے ہوئے آہلنے تے شوکدیاں جھاڑیاں سن۔ منجیاں دیاں پانی بھریاں پیلیاں سن۔ ہواوچ گھٹے تے منجی سی خوشبو  تے پیلیاں وچ پانی دی ہواڑ رلی ہوئی سی۔ کدی کدی ہنیرے وچ ڈوبے ہوئے پنڈاں توں کتیاں دے لڑن دی، مجھاں دے ڈکران تے کھوتیاں دے ہنگن دیاں اوزاراں سنیدیاں سن او راہ گھٹے اتے اپنے پیراں دے ٹھپے لانداہویا اگے ودھ ریاسی۔