1st Year اُردو لازمی 2nd Quarter Book Paper

Q3. تفصیلی سوالات (Attempt any 3 of 4 · 3 × 4 = 12)

1. "کون جا رہا ہےپاکستان؟"بڑے چچا نے صحن میں قدم رکھتے ہی بوکھلا کر پوچھا۔انھوں نے اماں کی باتیں سن لی تھیں۔"میں اور عالیہ جائیں گے،اور کسے جانا ہے۔"اماں نے تڑاخ سے جواب دیا۔"کوئی نہیں جا سکتا،میری اجازت کے بغیر کوئی قدم نہیں نکال سکتا،کس لیے جاؤ گے پاکستان؟یہ ہمارا ملک ہے،ہم نے قربانیاں دی ہیں اور اب ہم اسے چھوڑکر چلے جائیں؟اب تو ہمارے عیش کرنے کا وقت آرہا ہے۔"بڑے چچا سخت جوش میں تھے۔

2.  جب نتھو گنجا پگڑی بغل میں دبائے اڈے میں داخل ہوا تو استاد منگو بڑھ کر اس سے ملا اور اس کا ہاتھ اپنے ہاتھ میں لے کر بلند آواز سے کہنے لگا :لا ہاتھ ادھر ۔۔۔ ایسی خبر سناؤں کہ جی خوش ہو جائے ۔ تیری اس گنجی کھوپڑی پر بال اُگ آئیں ۔ اور یہ کہ کر منگو نے بڑے مزے لے لے کر نئے قانون کے متعلق اپنے دوست سے باتیں شروع کر دیں ۔ دوران گفت گو میں اُس نے کئی مرتبہ نتھو گنجے کے ہاتھ پر زور سے اپنا ہاتھ مار کر کہا: شو د یکھتارہ کیا بنتا ہے ، "یہ روس والا بادشاہ "کچھ نہ کچھ ضرور کر کے رہے گا۔

3. چارپائی پرسوکھنے کے لیے اناج پھیلایاجائے،جس پر تمام دن چڑیاں حملے کرتی ،دانےچگتی اور گالیاں سنتی رہیں گی۔کوئی تقریب ہوئی تو بڑےپیمانے پر چارپائی پر آلو چھیلے جائیں گے۔ملازمت میں پنشن کے قریب ہوتے ہیں توجو کچھ رخصت جمع ہوئی رہتی ہے،اس کو لے کر ملازمت سے سبک دوش ہوجاتے ہیں۔اسی طرح چارپائی پنشن کے قریب پہنچی ہے تو اس کو کسی کال کوٹھری میں داخل کر دیتے ہیں اور اس پر سال بھرکی پیاز کا ذخیرہ جمع کردیاجاتا ہے۔

4. اچانک شیدی نے چھلانگ لگائی ۔ وہ چیتے کی طرح چھال مارتا، بڑے بڑے ڈگ بھرتا، لوگوں مصلوں، جوتوں اور چپلوں کی کنی قطار میں پھلانگ گیا۔ پہلی صف میں محمود صاحب کے ساتھ شہر کے لائق افسران ، صنعت کار، تاجر اور بینکر کندھے سے کندھا ملا کر بیٹھے ہوئے تھے۔ وہ گرد نیں جھکائے اور دوزانو بیٹھے ہوئے تھے اور اخباری فوٹو گرافروں سے تصاویر کھنچوار ہے تھے۔