10th Class اُردو لازمی Chapter 3 Testنثر نمبر 3: اخلاق نبوی خاتم النبین ﷺ

Q3. تفصیلی سوالات (Attempt any 2 of 3 · 2 × 4 = 8)

1. آپ خاتم النبین ﷺ نرم خُو تھے، سخت مزاج نہ تھے، کسی کی توہین روا نہیں رکھتے تھے، چھوٹی چھوٹی باتوں پر اظہار تشکر فرماتے تھے، کسی چیز کو بُرا نہیں کہتے تھے، کھانا جس قسم کا سامنے آتا تناول فرماتے اور اس کو برا بھلا نہ کہتے۔ کوئی اگر کسی امرِ حق کی مخالفت کرتا تو آپ خاتم النبین ﷺ کو غصہ آجاتا اور اس کی پوری حمایت کرتے۔

2.  اپنے نفس سے تین چیزیں آپ خاتم النبن ﷺ نے بالکل دور کردی تھیں: بحث و مباحثہ ، ضرورت سے زیادہ بات کرنا اور جو بات مطلب کی نہ ہو اس میں پڑنا۔ دوسروں کے متعلق بھی تین باتوں سے پرہیز کرتے تھے، کسی کو برا نہیں کہتے تھے، کسی کی عیب گیری نہیں کرتے تھے، کسی کے اندرونی حالات کی ٹوہ میں نہیں رہتے تھے۔

3. لوگ جن باتوں پر ہنستے، آپ خاتم النبین ﷺ بھی مسکرا دیتے۔ جن پر لوگ تعجب کرتے، آپ خاتم النبین ﷺ بھی کرتے، کوئی باہر کا آدمی اگر بے باکی سے گفت گو کرتا تو آپ خاتم النبین ﷺ تحمل فرماتے، دوسروں کے منھ سے اپنی تعریف سننا پسند نہیں کرتے تھے لیکن اگر کوئی آپ خاتم النبین ﷺ کے احسان و انعام کا شکریہ ادا کرتے تو قبول فرماتے۔