5th Class Urdu (اُردو) Chapter 16 Testسبق نمبر 18: ایک قدیم شہر

Q3. تفصیلی سوالات (Attempt all · 1 × 4 = 4)

1. لاڑکانہ شہر سے 27 کلومیٹر کے فاصلے پر "موئن جوڈڑو" کے کھنڈرات واقع ہیں۔ ہڑپہ اور موئن جوڈڑو دونوں شہروں کا نقشہ اور ترتیب تقریباً ایک جیسی ہے، جس سے یہ اندازہ لگایا گیا ہے کہ یہ دونوں شہر وادی سندھ کی تہذیب سے تعلق رکھتے ہیں۔ سندھی زبان میں "موئن جوڈڑو" کا مطلب ہے "مردوں کا ٹیلا"۔ صفحۂ ہستی سے مٹ جانے والا یہ شہر تقریباً پانچ ہزار سال پہلے آباد ہوا تھا۔ اس شہر کے کھنڈرات سے بچوں کے کھلونے، عورتوں کے زیورات، ہاتھی دانت کی بنی ہوئی چیزیں، سیپ، گھونگے اور چینی کے برتن برآمد ہوئے ہیں۔ اس کے علاوہ مختلف مجسمے اور اوزار بھی ملے ہیں۔ آثار سے ظاہر ہوتا ہے کہ اس شہر کے باشندے ذہین اور محنتی تھے۔ ان لوگوں کا پیشہ کھیتی باڑی تھا۔ وہ لوگ ہندسوں کا استعمال جانتے تھے۔ اشارات اور تصاویر پر مبنی ان کا ایک اپنا رسم الخط تھا، جسے ماہرین آج تک نہیں پڑھ پائے۔ یہ شہر ختم کیسے ہوا، اس بارے میں ماہرین میں اختلاف پایا جاتا ہے۔ کچھ ماہرین کے خیال میں وبائی امراض کے نتیجے میں ساری آبادی ختم ہو گئی اور کچھ ماہرین کے مطابق قدرتی آفات مثلاً سیلاب یا زلزلے کی وجہ سے یہ شہر نیست و نابود ہو گیا۔ ایک نظریہ یہ بھی ہے کہ بیرونی حملہ آوروں نے اس شہر کی اینٹ سے اینٹ بجا دی ہو گی، جس کی وجہ سے یہ شہر صفحۂ ہستی سے مٹ گیا۔

   1.موئن جوڈڑو کا کیا مطلب ہے؟

   2.موئن جوڈڑو کے باشندے کس طرح کے تھے؟

   3.موئن جوڈڑو کا رسم الخط کن چیزوں پر مشتمل تھا؟

   4.موئن جوڈڑو کے کھنڈرات سے کیا برآمد ہوا؟

   5.اوپر دی ہوئی عبارت میں سے محاورات تلاش کریں اور بتائیں۔